Pasada alas onse del ayer aga, un persona ya muri nombrao como si Jaime Swines sincuenta’y siete anios el edad residente del villa Santa Maria en este ciuda.
Asegun con su compañero nombrao como un tal Daniel cuando aquel tiempo ya akaba sila amorsa ya pidi permiso canila si Swines para anda cumpra medicina apuera.
Depues bira ole na mismo trabaho na un kasa onde sila ta trabaha, embes este trabaha ya descansa este cay malo ta sinti, ya pasa cuanto ora ya anda si un tal Daniel saca sigarilyo, antes de saca ya anay chekya con Swines y ya puede asegun lee mira ariba ya el ohos del biktima, ya pikura pa sila acudi pero asegun muerto ya.
Si un tal Daniel ya llama con el kuñao nombrao como si Danny Arce residente del Santa Maria en este Ciudad, por medio del cellphone para abisa con el incidente.
Nohay mas ya sila reporta na pulis, diretso ya asegun con este ya lleva na Putik Health Center. Con el resto esperansao lleva na Buug, Zamboanga Sibugay. (April Boy Regino)