Maga operativas del Criminal Investigation and Detection Group-9 (CIDG-9) ya aresta con un persona por el asunto de abuso sexual.
Si Coronel John Francis Encinareal, hefe del CIDG-9, ya nombra con el arestao suspechao como si Bryan Aizon, treynta’y dos años el edad.
Asegun con Encinareal cay con Aizon ya aresta maga alas dos cuarenta’y sinco del Martes tarde na Zone 2, Sitio Asinan, Barangay Boalan, este ciudad.
Asegun con Encinareal cay si Aizon tiene pendiente orden de aresto por violacion del Republic Act 7610 o mas conosido como el especial proteccion del maga bata contra abuso, exploitacion y discriminacion con dosientos mil pesos piansa.
Si Encinareal ya habla cay si Aizon alegaomente ya abusa con dos sacristan del cura paroco de Tetuan.
El asunto contra con Aizon ya persigi el maga mayores del dos sacristan. (Bong Garcia, Jr.)
(Photo Courtesy of CIDG IX)