Ya promove el ranggo del un oficial designao na quartel del Western Mindanao Command (Westmincom), asegun con el Westmincom del Martes.
El Westmincom ya nombra con el promovido oficial como si Tiniente Coronel Jonas Mendoza, el deputy del assistant chief of unified command staff de inteligencia.
El sujetada del ranggo de Mendoza ya hace del Lunes na sala de conferencias del Westmincom que ya encabesa si Tinienete General William Gonzales, el comandante del Westmincom.
Durante el ceremonia de sujetada del ranggo, ya conseja si Gonzales con Mendoza para continua compli su juramiento de fidelidad por medio de servir con honor y patriotismo.
Si Brigadier General Aldrin Annani, el diputado comandante del Westmincom, y otro mga personajes de mando unificado que ta encabesa si Coronel Emmanuel Cabasan ya para como mga testigo del ceremonia. (B. Garcia, photo courtesy of Westmincom PIO)