Un persona listao como el objetivo de alto prioridad nivel regional na campaña contra droga ilegal el ya aresta el mga autoridad na provincia de Basilan, asegun con el policia del Miercoles.
Si Police Brigadier General Bowenn Joey Masauding, el director del mando regional del policia o Police Regional Office-9 (PRO-9), ya nombra con el arestao suspechao como si Ahmad Haradji.
Asegun con Masauding, con Haradji ya aresta na un operacion de aplicacion de ley por medio de servi’r orden de aresto mga alas 9:23 del Lunes aga na Barangay Sunrise, ciudad de Isabela, provincia de Basilan.
Si Masauding ya habla, si Haradji tiene pendiente orden de aresto por violacion del Ley del Republica 9165 o el Ley Integral de Drogas Peligrosas de 2002 que y dale el un corte na ciudad de Isabela, provincia de Basilan.
Si Masauding ya habla, si Haradji presentamente bajo’l custodia del policia na ciudad de Isabela para el propio disposicion. (B. Garcia)