Un lider de un Private Armed Group (PAG) el ya rendi na autoridad na provincia de Norte Cotabato, asegun con el Area Police Command-Western Mindanao (APC-WM) del Sabado.
El APC-WM ya nombra lang con el rendidor como si Alias Tikon, un lider de PAG del Moro Islamic Liberation Front (MILF)-Kapalawan Provincial Committee.
Asegun con el APC-WM, si Tikon ya rendi del Miercoles na sala de convenciones del municipio del Carmen, Norte Cotabato.
El APC-WM ya habla, si Tikon ya entrega un rifle M-16 con 10 bala cuando ta rendi ele na mga autoridad.
El rendida de Tikon ya facilita canda Police Brigadier General Percival Augustus Placer, el director del mando regional del policia na Reion 12, Alcalde Rogelio Taliño del municipio del Carmen, y si Brigadier General Donald Gumiran, el comandante del 602nd Infantry Brigade.
El gobierno municipal del Carmen ya extende un programa de busca la vida para con Tikon como parte del esfuerzo de reintegracion. (B. Garcia)