Un chufer de pedicab el ya sale arestao anoche durante el campanya contra droga illegal que ya conduci el Police Station 1 na Purok 1, Barangay Santa Catalina, en este ciudad.
El maga personajes del Police Station 1 ya nombra con el suspechao como si Elmer Ferrer Bustillo “alias Mer”, casao, trenta’y sinco anios el edad y residente del Martha drive Barangay Santa Catalina este Ciudad.
Durante el operacion el maga polisiya ya puede confisca na posecion del suspechao, dos pedaso de dos cientos pesos marcao sen y cuatro pedaso pakete que ta contene alegao shabu con pesadez de zero punto deci-ocho gramo, valor de un mil, dosiento de pesos.
Si Ferrer detenido ahora na kwartel de Police Station 1 y esperansao planta con ele caso por el violacion del R.A. 9165 o el Comprehensive Dangerous Drugs Act of 2002. (April Boy Regino)