Un residente de provincia de Basilan voluntaryamente ya rindi su armas de fuego sin licensia con maga autoridad.
Si Police Major Allan Alog, el hefe del Criminal Investigation and Detection Group (CIDG)-Basilan Provincial Field Office, ya nombra con el persona como si Jalna Anawi, cuarenta’y sinco años el edad y residente de Barangay Sunrise, Ciudad de Isabela, provincia de Basilan.
Asegun con Alog cay si Anawi ya entrega su calibre treynta’y ocho revolver con sinco bala maga alas cuatro veinte ocho del Martes tarde na CIDG-Basilan Provincial Field Office.
Asegun con Alog cay el rindida del armas de fuego del Anawi amo un resulta del intensificao campanya del CIDG na provincia de Basilan contra maga pusil colorum o sin licensia.
El campanya contra maga pusil sin licensia ta cay este bajo na campanya del CIDG nombrao como el Oplan Paglalansag Omega. (B. Garcia, photo courtesy of CIDG-9)