El mga escujido personas del 2nd Marine Brigade (2MBde) base na Tawi-Tawi ya esta bajo’l 36-dia Special Operations Platoon Training (SOPT) con el objetivo aumenta el capacidad y mejora el preparacion del mga personaes, asegun con el militar de Viernes.
El 4th Civil Relations Group (4CRG) ya habla cay el especializado y intensivo entreno que ya inicia si Brigadier General Nestor Narag, el comandante del 2MBde, ya culmina del Martes.
Asegun con el 4CRG, el programa de riguroso entreno ya inclui mga adelantao tecnica de combate, maniobra tactica, y especializado habilidades esencial para el exitoso operaciones especial.
Si Police Colonel Rodolfo Inoy, Jr., el director de policia na Tawi-Tawi y el juesped de honor del ceremonia de graduacion, ya comenda con el mga graduados por el de ila compromiso y perseverancia durante el exigente entreno.
Si Inoy ya empatiza el importancia del de ila nuevo adquerido capacidad na mantencion del paz y seguridad na provincia de Tawi-Tawi.
El ceremonia de graduacion ya conclui por medio del distribucion de certificos con mga graduados, simbolizando de ila exitoso completada del entreno, el distribucion tambien de certificos con mga entrenadores en reconocimiento na de ila contribuciones con el buen exito del programa de entreno. (B. Garcia)