El mga tropa del 55th Infantry Battalion (IB) ya recubri un cache de armas del mga rebelde New People’s Army (NPA) na provincia del Lanao del Sur, asegun con el militar del Sabado.
Asegun con el 55IB, con el cache de armas ya recubri del Miercoles na un lubrigo lugar na Barangay Ranao-Baning, Amai Manabilang, Lanao del Sur.
Asegun con el 55IB, el dueño del cache de armas amo el Sub-Regional Committee 5 del North Central Mindanao Regional Committee del NPA.
El cache de armas que ya recubri mga soldao del Bravo Company del 55IB ta inclui un rifle M-14, un rifle M-16 y un rifle Ak-47.
Ya recubri tamen el mga soldao mga clip de bala y bala de diferentes calibre.
Asegun con el 55IB, con el cache de armas ya puede recubri base na informacion que ya dale el un tal Ka Blake, un rebelde NPA quien ya rindi con el mga soldao del Bravo Company.
Mientras tanto, si Tiniente Coronel Anthony Caro, el comandante del 55IB, ya expresa su sincero gratitud con Blake.
Asegun con Caro, el revelacion de Blake es un testamento del su sinceridad para abrasa un nuevo vida.
Si Caro ya asegura cay hay recivi si Blake todo’l necesario ayuda para su reintegracion na sociedad. (B. Garcia)