El maga personajes del Police Station 11 ya aresta con el tres maga personas ayer tarde na barangay Sta.Maria en este ciudad. El Police Station 11 ya nombra con el maga suspechao como si Musaad Parangan Majid alias “Musad”, veinte nueve anios el edad y residente de Catalina, Christian Sagario Andales alyas “Christian” treynta’y cuatro anios ,kasao,y residente de PC Compound y si Radzmer Munjih Sahibad alyas “Radz”, treynta’y uno anios el edad, soltero y residente de Barangay Sta. Maria en este ciudad.
Asegun con el pulisiya, ya puede confisca na posesyon del maga suspechao dos pedaso de un peso, apuesta sen valor de dos dos cientos,cuarenta’y nueve de pesos, y cuatro pakete de alegao shabu que tiene pesades de un gramo y tiene valor de seis mil,ocho cientos de pesos.
Con Parangan,Sagario y Munjih ya detene na quartel del Police Station 11 y esperansao planta formal asunto contra canila. (April Boy Regino)