Tapno maalay ayan iti bilang dagiti malnourished ken nababa ti timbang na nga ubbing ditoy Ilocos Norte.
Daytoy ti kangrunaan a gagem iti agtultuloy a feeding program ti gobierno probinsial babaen ken ni Gob. Mathew Marcos Manotoc.
Immun una ngem iti daytoy, kadua ti gobenador ni Senadora Imee Marcos a nagibunong iti Nutribun kadagiti nasurok a 500 nga ubbing nga agtawen iti tallo agingga iti lima iti Ilocos Nore Centennial Arena.
Kalikagum ti gobernador nga agtultuloy a mapasayat pay iti nourishment dagiti ubbing nupay bumasbassiten iti bilang dagiti malnourished dtoy ilocos norte.
Malaksid iti Nutribun, nayon pay a food packs ti naited kadagiti pamilia dagitoy nga ubbing kas tulong pay laeng ti gobierno probinsial kadakuada.
Ti pannakairubuat iti Nutribun feeding program ket naigiddan met iti selebrasion ti maika105 a panagkasangay daydi sigud a president Ferdinand Marcos iti Ilocos Norte Centennial Arena.
Segun ken ni senadora Imee, masapul nga isubli ti nutribun feeding program a maysa pay a napintas a sulusion tapno in inut a makissayan ken awanen dagiti maibilang a malnourished wenno nababa iti timbang na nga ubbing.
Mamonitor met iti timbang ken salun at dagiti ubbing a dumalan iti feeding program iti sumaruno a 120 nga aldaw. (Cita Macalipis)
(Source: Provincial Government of Ilocos Norte)