Un trabajante de construccion el ya aresta y ya confisca valor de P343,944 droga ilegal na un operacion de compra busto na provincia del Sur Cotabato, asegun con el Area Police Command-Western Mindanao (APC-WM) del Domingo.
El APC-WM ya nombra con el arestao trabajante de contruccion como si Balong Mendez, 50 años el edad quien listao como un high-value individual (HVI).
Asegun con el APC-WM, con Mendez ya aresta na un operacion de compra busto del Martes na Purok San Isidro 1, Barangay Poblacion, Tampakan, Sur Cotabato.
Asegun con el APC-WM, ya recubri na posesion de Mendez 50.58 gramos de suspechao shabu enpaquetao na 12 termosellada sobrecitos plastico con el valor de P343,944, y dinero de compra busto.
El APC-WM ya habla, con Mendez ya pone bajo’l custodia del policia na municipio de Tampakan en preparacion para el plantada del caso contra conele por violacion del Ley de Republica 9165 or mas conocido como el Comprehensive Dangerouns Drugs Act of 2002. (B. Garcia)