Pasada alas dose del medya dia del sabado petsa veinte tres de Hulyo, el maga personahes del ZCPS y 2nd ZCMFC ya aresta con identificao accusao si Sonny Boy Atilano Bucoy, cuarenta años de edad y residente del Sapa Largao, Barangay Curuan en este ciudad.
El accusao asegun ta man rank como el top 2 station level most wanted person y arestao con 7 counts del krimen de rape como amendao na RA 8353 sin pyansa.
Si Police Colonel Alexander A. Lorenzo, Acting City Director ta recognisa con el unwavering efforts del disuyu maga uban na conducimiento del Simultaneous Enhance Management Police Operation. (Erica B. Javier)