El Task Force to End Local Armed Conflict (TF-ELAC) ya declara con el municipio de Tabuan Lasa na provincia de Basian librao ya desde’l influencia del grupo Abu Sayyaf, asegun con el militar del Viernes.
Asegun con el 101st Infantry Brigade, el declaracion ya hace del Jueves durante un ceremonia que ya atende mga alto funccionarios del gobierno provincial, militar y policia.
El importante parte del ceremonia amo el presentacion del 14 pusil que ya rendi desde’l mga comunidades.
El mga pusil ya incudi un calibre 50 rifle de francotirador, dos rifles M-16, un M-79, un KG9, dos improvisdado shotgun, tres rifles Garand, y cuatro calibre .45 pistola.
Asegun con el 101st Infantry Brigade, el rendida de mga pusil ta significa el inquebrantable dedicacion del comunidad na paz y seguridad.
Na su mensaje, si Brigadier General Alvin Luzon, el comandante del 101st Infantry Brigade, ya empatiza el importancia del colectivo esfuerzos para adqueri paz.
Asegun con Luzon, el declaracion cay librao el Tabuan Lasa desde’l Abu Sayyaf es un testamento na cosa kita puede acomplici si trabaja hunto.
Asegun con el Alcalde Moner Manisan del Tabuan Lasa, ay continua sila trabaja hunto para asegura cay el de ila comunidad hay esta protejido y prosperoso.
El Gobernador Jim Hataman-Salliman ya dale un mensaje de inspiracion, alabando con el esfuerzos del todo sector por el de ila buen acomplicimiento. (B. Garcia)