El Tricycle Adjudication Board (TAB) ya anuncia day tiene ya el total de 3,270 operadores de triciclo el ya aplica para renovacion de franquicia desde Enero 2 hasta Enero 15, este año.
El 3,270 es parte del mas e 4,600 unidades de triciclos ta opera na ciudad de Zamboanga base na lista de registracion del TAB.
Asegun con el TAB, el proceso de renovacion de franquicia de triciclos ta hace na Centro Latino na Paseo del Mar.
Parte de proceso amo el actual inspeccion del unidad de triciclo que ya conduci tamen na Paseo del Mar.
Puera del inspeccion fisica, el TAB ta revisa tamen con el cumplimiento con propio licensia y documentacion de seguro para del todo operadores.
Asegun con el TAB, el periodo de renovacion de franquicia de triciclos es desde Enero 2 hasta Enero 20. (B. Garcia)