Muerto el un suspechao ladron de carabao na tirahan contra membros del para-militar na ciudad del Lamitan, provincia del Basilan.
El Lamitan City Police Station ya nombra con el muerto suspechao como si Ahmad Saralun alias Pokeh, un residente del Barangay Magcawa, Al-Barka, Basilan.
Asegun con el pulisiya cay el tirahan ya ocuri mga alas 4 del Domingo aga na Barangay Balobo, ciudad del Lamitan.
Asegun con el pulisiya cay ya ocuri el tirahan despues que ya el mga mymebros del para-militar ya gole con tres mga mal elementos del sociedad quien ya anda na Barangay Balobo y ya precura ruba un carabao y motorsiclo.
Si Saralun ya muri por causa del mga irida de bala ya sufri le durante el tirahan.
El otro dos suspechao ya escapa para na direccion del Barangay Danit Puntucan ciudad de Lamitan.
Mga pulis ya recubri na lugar del tirahan 14 capsula de riple Armalite, cuatro capsula de calibre .45 pistola y un bolo. (B. Garcia)