El Sektor del Alyansa de Agrikultura ta man problema aserca el posible subida del presyo de maga huwebos na nacion.
Asegun con el Presidente del AGAP Nicanor Briones, ya subi ya na seis peso el antes cuatro pesos farm gate price del maga huwebes, porcausa cay ya keda ya karo el maga komida de manok y ya subi ya el kaso del bird flu na entero nacion.
Asegun con Briones manada tambien el ya para cuida maga gallina cay porcausa nuay mas ya aguanta el kapital cay baho el supply y el subida del kaso de bird flu na maga poultry farm.
Ademas, si Briones ta apela con el Bureau of Animal Industry que hace subi na ciento sincuenta’y peso el pago para con el maga gallina que ya sale afectao na bird flu. (Erica B. Javier)