El mga autoridad ya confisca mas o menos P85,000 valor de smuggled cigarillo na provincia del Lanao del Sur, asegun con el policia del Lunes.
Asegun con Police Colonel Robert Daculan, el director del policia na provincia del Lanao del Sur, con el mga smuggled cigarillo ya confisca durante el un operacion de aplicacion de ley na diferente tienda del Sabado na Barangay Panggao Saduc y Barangay Matampay na ciudad de Marawi City, Lanao del Sur.
Asegun con Daculan, total de 190 reams de diferentes marka de cigarillo que tiene el estimao valor de P85,000 el ya confisca durante el conducida del inspeccion.
Si Daculan ya habla, con el mga confiscao cigarillo ya lleva na quartel del policia na ciudad de Marawi para el documentacion y propio disposicion.
Asegun con Daculan hay sustene sila con el campaña contra venida del mga smuggled cigarillo para eradica el actividad de smuggling na ciudad de Marawi. (B. Garcia)