El “SM City Mindpro” ya activa con el de ila “Emergency Rescue Team (ERT)” durante el ensayo de incendio y evacuacion que ya conduci del Miercoles en este ciudad.
El mga oficiales del bombero ya mira si quemodo ya responde na un incidente de incendio el administracion del SM City Mindpro y de ila mga inquilino.
Asegun con el SM City Mindpro, con el ensayo ya participa el mga 204 empleyados y inquilinos con quien ya entrena para familiariza con el alarma de incendio y señas de evacuacion.
Ya entrena tamen canila sobre el de ila designao obligacion durante un emergencia, ruta de evacuacion, lugar de refuguio, lugar de asemblea exterior y procidimiento de evacuacion.
El “SM Supermalls” anual ta conduci ensayo de incendio y evacuacion na todo del ila mga centro comercial na entero pais como parte del continuando esfuerzo para asegura el protection del mga clientes y empleyados.
(B. Garcia)