Koronadal City – Kapin sa Php 544,000 nga kantidad sa shabu ang nasakmit gikan sa duha ka High Value Individual sa gipahigayong Buy-Bust Operation sa MGA Personnel sa South Cotabato Police Station sa Brgy Zone 4, Koronadal City, South Cotabato niadtong Marso 13, 2024.
Giila ni PLtCol Amor Mio I Somine, hepe sa Koronadal City Police Station, ang mga suspek nga sila si alyas “Mark” 43 anyos, minyo, walay trabaho ug residente sa siyudad sa Koronadal ug alyas “Joeffrey, 35 anyos, ulitawo, panadero ug usab. residente sa Koronadal City.
Nasikop ang mga suspek sa hiniusang buy-bust operation nga gipahigayon sa Koronadal City Police Station, Koronadal City Police Station Intel Operatives, ug mga operatiba sa South Cotabato Provincial Mobile Force Company ug Regional Intelligence Division 12.
Nakuha gikan sa mga suspek ang tulo ka pakete sa gituohang shabu nga motimbang og 80 gramos ug mobalor og Php 544,000.
Ang mga dinakpan nag-atubang og kasong kalapasan sa RA 9165 o Comprehensive Dangerous Drugs Act of 2002. (Giovanni Pasco)
(Source: PCADG12)