Ya aresta con un “street level individual (SLI)” suspechao el mga otoridad na un campanya contra droga ilegal aqui na ciudad del Zamboanga, el pulisiya local ya anuncia del Biyernes.
Si Police Major Salvador Galvez, el hefe del Zamboanga City Police Station 7 (ZCPS7), ya nombra con el arestao suspechao como si Ryan Lumigao Otto, 35 años el edad.
Asegun con Galvez con Otto ya aresta na un “buy-bust operation” mga alas 6:20 del Huwebes denoche na Sitio Lantawan, Barangay Pasonanca, en este ciudad.
Asegun con Galvez ya puede confisca na posesion de Otto valor de P10,800 suspechao shabu y P200 markao sen.
Si Galvez ya habla cay detenido si Otto na quartel del ZCPS7 pendiente el plantada del asunto encontra con el suspechao por violacion del “Comprehensive Dangerous Drugs Act of 2002”. (B. Garcia)