Zamboanga: Pulis ya recubri mas de P1 milyon contraband

0
7

El mga otoridad ya puede recubri mas de P1 milyon cantidad de contrabando na uno del mga barrio aqui na ciudad del Zamboanga, el Zamboanga City Police Office (ZCPO) ya anuncia del Biyernes.

Asegun con Police Colonel Alexander Lorenzo, el ZCPO director, con el mga contrabando ya recubri mga alas 9:40 del Huwebes denoche na Paseo de Dustone, Barangay Kasanyangan, en este ciudad.

Asegun con Lorenzo nohay con quien ya aresta siendo ya abandona lang con el mga contrabando compuesto de 31 cahon de diferentes clase de cigarillo.

Si Lorenzo ya habla cay con el mga cigarillo ya lleba na quartel del Zamboanga City Police Station 6 (ZCPS6) para el propio documentacion.

Con el mga confiscao cigarillo ay entrega na Buro de Aduana para el propio disposicion. (B. Garcia, photo courtesy of ZCPS6)

Leave a Reply