El Oficina de Agricultura del Ciudad ya reporta del Biyernes cay ya alcansa mas de P3.7 milyones el destroso del avenida por causa del recio aguasero ya tupa na ciudad de Zamboanga.
Asegun con el Oficina del Agricultura del Ciudad cay total de 81 siembrador el ya afecta na avenida por causa del recio aguasero desde Agosto 23 hasta 25.
Base na evaluacion del oficina de agricultura cay el mga bien afectao lugar na avenida amo el mga barrio de Tulungatung, Vitali, Bunguiao, Bolong, Quiniput, Curuan, Latuan, Sibulao and Manicahan.
Asegun cay el avenida ya causa destroso con 48.87 hectaryas de palay, mais, y diferente clase de gulay, incluwido saging y melon.
Myentras tanto, el Oficina de Agricultura del Ciudad ta continua colecta mga informacion sobre el destroso para determina si cosa programa debe ase para ayuda con el mga siembrador ya afecta na avenida. (B. Garcia, photo courtesy of City Hall PIO)