Un sastrero el ya muri na un incidente de tiroteo aqui na ciudad, asegun con el policia local del Domingo.
Si Police Colonel Kimberly Molitas, el director del Zamboanga City Police Office, ya habla el incidente ya ocuri mga alas 10:45 del Sabado denoche na Paseo de Martha, Barangay San Jose Gusu, en este ciudad.
Asegun con Molitas, con el victima ya conose como si Timoteo Villapania, 60 años el edad, un sastrero.
Base na investigacion, con Villapania ya tira el un desconosido armao persona que ya resulta na su enseguidas muerte.
El suspechao ya escapa caminando despues del incidente.
Asegun con Molitas, ta continua de ila investigacion para determina si cosa el motivo, identifica y aresta con el suspechao del incidente. (B. Garcia)