Residentes del mga lejanos lugar el ya beneficia na Programa de Accion Medica, Optal y Civica, o MEDCAP, que ya conduci na municipio de Akbar, Basilan, asegun con el militar del Lunes.
El MEDCAP ya conduci el gobierno municipal del Akbar en asociacion con el Humanitarian Malaysia Medical Air Society (MedAid) y con el participacion del 18th Infantry Battalion (18IB).
Asegun con el 18IB, el actividad ya hace del Sabado na Barangay Upper Bato-Bato, Akbar
El 18IB ya habla, durante el MEDCAP, ya proporciona servicio esenciales medical que ya inclui checkiada de ojos, libre cortada de pelo, y capada.
Asegun con el 18IB, hinde lang mga residentes del municipio de Akbar ya beneficia con el MEDCAP, sino hasta del municipio tamen del Hadji Mohammad Ajul y ciudad de Lamitan.
“El evento es un exito resonando, con mga residentes, especialmente aquellos de lejanos lugar, expresando de ila profundo gratitud por el muy necesario servicios de ciudado de salud,” el 18IB ya habla.
Durinte el evento, el 18IB activamente ya conecta con el comunidad local, fomentado un profundo y mas significativo relaciones.
El Alcalde Alih Salih del Akbar ya expresa su gratitud por el oportunidad colabora con el MedAId y otro organizaciones durante el actividad de MEDCAP.
Ya enfatiza si Salih cay el evento ya dale mira el de ila dedicacion por tener un buen cominudad y mejora el vida del mga gente de Basilan.
Si Dr. Syariz Izry Bin Sehat, el lider del grupo MedAid, ya dale importancia con el accessible ciudada de salud.
Si Izry ya senti un gran sensacion de acomplicimiento conocimiento cay el actividad exitosamente ya proporciona vital servicio medical na mga lugar que ta necesita mucho. (B. Garcia)