Un wanted persona por violacion del Republic Act 9165 o mas consido como el Comprehensive Dangerous Drugs Act of 2002 el ya aresta mga otoridad aqui na ciudad.
El 2nd Zamboanga City Mobile Force Company (2CMFC) ya nombra con el arestao wanted persona como si Junie Apolinario, 46 años el edad y residente del Paseo de Sampaguita, Barangay Sta. Catalina, en este ciudad.
Asegun con el 2ZCMFC cay con Apolinario ya aresta durante un implementacion de orden de aresto mga alas 8:13 Biyernes denoche na calle Don Basilio Navarro, Barangay San Jose-Cawa-Cawa, este ciudad.
Asegun con el 2ZCMFC cay si Apolinario tiene pendiente orden de aresto por violacion del Seccion 5 del R.A. 9165 con recomendao piansa de P200,000 y del Seccion 11 con recomendao piansa de P40,000.
El 2ZCMFC ya habla cay ya entrega sila con Apolinario para na custodiya del Zamboanga City Police Station 11 (ZCPS11) antes ay entrega conele na jusgado quein ya dale el orden de aresto encontra conel suspechao. (B. Garcia, photo courtesy of 2ZCMFC)