Un “wanted” persona el ya aresta mga pulis na un enforcada de ley na uno del mga barangay aqui na ciudad de Zamboanga.
Asegun con el Zamboanga City Police Station 2 (ZCPS2) con el arestao wanted persona ya conose como si Kammang Jangkalan alias Mohammad Barorong, 65 años el edad y residente del Sitio Lapalo, Barangay Muti, este ciudad.
Asegun con el pulisiya con Jangkalan ya aresta por medio na implementacion de un orden de aresto mga alas 6:58 Martes aga na Sitio Ontong, Barangay Curuan, este ciudad.
Asegun con el ZCPS2 cay si Jangkalan tiene pendiente ordern de aresto por el crimen de “frustrated murder” con P200,000 recomendao piansa que ya dale el un jusgado del ciudad de Zamboanga del Agosto 30, 2023.
Si Jangkalan bajo ahora el temporaryo custodiya del ZCPS2 antes que ay entrega conele na concierne jusgado. (B. Garcia, photo courtesy of ZCPS2)