Un mujer listao como un de alto valor vendedor de droga ilegal el ya aresta mga autoridad na un operacion de compra busto na Sur Cotabato, asegun con el Area Police Command-Western Mindanao (APC-WM) del Sabado.
El APC-WM ya identifica con el arestao suspechao como si alias King, 25 años el edad y un residente del Datu Odin Sinsuat, Maguindanao del Norte.
Asegun con el APC-WM, con King ya aresta despues que ya vende le droga ilegal con un pulis quien ya pretende como un comprador de droga del Lunes na Purok 10, Barangay Poblacion, Tupi, Sur Cotabato.
Asegun con el policia, ya confisca na posesion de King 100 gramos de suspechao shabu enpaquetao na tres sobrecitos plastico con el valor de P680,000, un vehiculo, y tres P1,000 markao dinero.
Asegun con el APC-WM, ya detene con King na quartel del policia na municipio de Tupi y hay planta conele caso por violacion del Ley integral de drogas peligrosas de 2002.
Asegun con el APC-WM, el policia na Region 12 ya jura continua con el de ila mision para eradica con el comercio de droga ilegal na de ila lugar. (B. Garcia)