El mga autoridad ya aresta con un motorista ta carga armas de fuego o pusil sin el necesario documento durante un operacion de aplicacion de ley na provincia del Lanao del Sur, asegun con el policia del Domingo.
Si Police Colonel Robert Daculan, el director del policia na Lanao del Sur, ya nombra lang con el arestao motorista como si alias Ryan, un residente de Barangay Cadayonan, Tagoloan II, Lanao del Sur.
Asegun con Daculan, con Ryan ya aresta mga alas 10:30 del Jueves denoche na Barangay Patani, ciudad de Marawi, Lanao del Sur.
Asegun con Daculan, ya cogi con Ryan, quien ta maneja motorciclo, despues que ya precura le escapa mientras el mga pulis ta conduci checkpoint na Barangay Patani.
El mga pulis ya puede descubri cay ta lleva si Ryan un desmatelao armas de fuego cuando ya pidi conele presenta su tarjetas de identificacion y pertinente documentos.
Asegun con Daculan, ya confisca na posesion de Ryan un modificao rifle de calibre .45 sin bala envolvido na un saco.
Asegun con Daculan, ya detene con Ryan na quartel del policia na ciudad de Marawi para el propio disposijjjcion. (B. Garcia)