Un suspechao na incidente de tiro ya aresta mga pulis na un manhunt operation del Sabado aga na Barangay Sta. Barbara, este ciudad.
Asecon con Police Colonel Alexander Lorenzo, Zamboanga City Police Office director, con el arestao suspechao ya conose como si Jasem Baharain, 25, años el edad y residente de Malunggay Drive, Barangay Sta. Barbara, este ciudad.
Asegun con Lorenzo cay con Baharain ya aresta mga alas 11 del Sabado aga cuantos oras despues que alegaomente ya tira ele con Jasper Cortes, 32 años el edad y residente de Barangay Sto. Niño, este ciudad.Con Cortes ya tira el suspechao mga alas 12:52 del Sabado madrogada na Barangay Sta. Barbara, este ciudad.
Si Cortes admitido ahora na hospital.
Myentrastanto, el arestao suspechao bajo ahora na custodiya del Police Station 11 para el propio disposition. (B. Garcia)