Un nuevo conosido drug pusher ya aresta el pulisiya na un campanya contra ilegal droga aqui na ciudad de Zamboanga.
Si Police Colonel Alexander Lorenzo, el Zamboanga City Police Office director, ya nombra con el arestao suspechao como si Omar Edris, treynta’y ocho años el edad y residente del Barangay Santa Catalina, este ciudad.
Asegun con Lorenzo cay con Edris ya aresta durante un operacion contra bendida de droga ilegal maga alas tres del aga este diya de Miyercoles na Sitio Talungon, Barangay San Roque, este ciudad.
Durante su aresto, asegun con Lorenzo cay ya puede recubri na posesion de Edris sinco punto sincuenta’y seis gramos de suspechao shabu que tiene el valor de treynta’y siete mil ocho sientos ocho pesos, un motorsiclo, y dos sientos pesos markao dinero.
Ya detene con Edris myentras ta ase ya el maga necesario documentos para el plantada del formal asunto contra con el suspechao. (B. Garcia)