Un alegao myembro de un syndicato de grupo de droga el ya aresta mga otoridad na un campanya contra droga ilegal aqui na ciudad de Zamboanga.
Si Police Major Salvador Galvez, el hefe del Zamboanga City Police Station 7 (ZCPS7), ya nombra con el arestao suspechao como si Romel Carpio, 46 años el edad, un myembro de Andrada Julkanain “drug group”.
Asegun con Galvez con Carpio ya aresta na un “buy-bust operation” na Paseo de Macrohon, Barangay San Roque, este ciudad mga alas 9 del Biyernes denoche.
Si Galvez ya habla cay ya conduci sila el buy-bust operation contra con Carpio despues que ya ase sila bisiada na mal actividad del arestao suspechao.
Asegun con Galvez ya puede recubri na posesion de Carpio dos gramos de suspechao shabu con el valor de P13,600, un celpon, y P200 markao sen.
Detenido si Carpio na quartel del ZCPS7 pendiente el plantada del formal asunto encontra conele por violacion del Comprehensive Dangerous Drugs Act of 2002. (B. Garcia, photo courtesy of ZCPS7)