El Police Regional Office-Bangsamoro Autonomous Region (PRO-BAR) ya adqueri mga nuevo vehiculos para rendi mas buen servicio na comunidad en termino na mantencion de paz y orden, asegun con el policia del Martes.
El mga nuevo adquerido vehiculos ta inclui tres jip de patrulla, dos portador de personal y dos motorciclos.
Si Police Brigadier General Romeo Macapaz, el director del PRO-BAR, ya encabesa con el bendicion del mga nuevo adquerido vehciulo del Lunes que ya conduci na Camp Salipada Pendatun, Parang, Maguindanao del Norte.
Asegun con Macapaz, por medio del mga nuevo adquerido vehiculos, hay puede sila responde mas rapido y rendi buen servicio na comunidad.
“Este mga propieded de mobilidad significanamente hay mejora el capabilidades de operante del policia na lugar,” si Macapaz ya habla. (B. Garcia)