Si Police Brigadier General Bowenn Joey Masauding, el director del Police Regional Office-9 (PRO-9) director, ya dale corage con el nuevo miembros del policia para establisa un buen relacion con el comunidad que ay sirvi sila.
Ese el parte del mensaje de Masauding cuando ya administra le con el juramiento del 300 nuevo miembros de policia del Lunes tarde na Campo Coronel Romeo Abendan na Barangay Mercedes aqui na ciudad de Zamboanga.
Ya enfatiza si Masauding el importancia del integridad, empatia y respeto na de ila cada dia trabajo.
Asegun con Masauding, el mando regional del policia tiene ya mejor personajes para na implementacion de modern enforsada de leyes por medio del omento del mga alto habilidad y dedicao pulis
Na total de 300 nuevo miembros del policia, 252 de ila mga hombre y el restante 48 mga mujer.
Ay esta sila bajo en entreno de “Public Safety Basic Recruit Course” dentro de seis meses y otro seis meses “Field Training Exercise”.
El mga nuevo pulis es parte del cuota de atricion para el año 2023. (B. Garcia, Photo courtesy of PRO-9)