Preparao ya todo para el asida del juego nacional del Private Schools Athletic Association (PRISAA) aqui na ciudad de Zamboanga.
Asegun con PRISAA National Executive Director Elbert Atilano cay el PRISAA ay conduci desde Hulyo 13 hasta 19 y esperansao ay participa no menos de 10,000 atleta y maga oficiales.
Asegun con Atilano cay tiene ya el total de 6,343 atleta y oficiales de delegacion el ya confirma de ila participacion na benedero juego nacional del PRISAA aqui na ciudad.
Si Atilano ya habla cay ay omenta pa el numero del maga participantes na maga dias que viene.
El juego nacional del PRISAA este año amo el aka-sinco beses ay conduci aki na ciudad. El primera bes amo del 1993, aka-segundo del 2005, tersero del 2008 y aka-cuatro del 2011.
Mayoriya del maga juego as ase na Joaquin Enriquez Memorial Sports Complex.
El losdemas na ecozone, na Integrated Bus Terminal na Divisoria y na diferent escuelas privado y publico.
El thema para esta año PRISAA amo el “Enhancing Sports Excellence among Filipino Youth,” (B. Garcia) (Photo Courtesy of City Hall PIO)
