Dies potencial victima de trafico humano el ya salva el mga autoridad na provincia del Tawi-Tawi, asegun con el policia del Jueves.
El Police Maritime Group ya habla, con el mga potencial victima ya salva del Domingo abordo na un barco commercial na pantalan del Bongao, el capital del provincia del Tawi-Tawi.
Asegun con el Police Maritime Group, cuatro del 10 salvao potencial victima amo mga de legal edad y el seis mga menor de edad quien ya viaja para na Tawi-Tawi desde’l ciudad de Zamboanga.
Asegun con el policia, el mga potencial victima hay viaja era para na Malaysia maskin nohay sila el mga necesarios documentos.
El policia ya sabe, ya atrae el mga potencial victima con el falso promesas de trabajo na Malaysia del un tal Dodong Onog, quien presentamente talla na Felda, Malaysia.
Con el mga salvao victima ya lleva na quartel del policia de maritima na Tawi-Tawi y ya entrega canila para na Ministry of Social Service and Development para mas del ayuda y cuidado. (B. Garcia)