El mga autoridad ya recubri valor de P110,000 smuggled cigarillo na provincia del Lanao del Sur, asegun con el policia del Martes.
Asegun con el Police Regional Office-Bangsamoro Autonomous Region (PRO-BAR), con el mga smuggled cigarillo ya recubri mga alas 6:30 del Lunes aga na Barangay Liangan, Picong, Lanao del Sur.
Asegun con el PRO-BAR, con el mga cigarillo ya recubri despues que ya recivi informacion el mga pulis cay tiene ya llega un pumbot y descarga mga cajon de cigarillo na canto’y aplaya na Sitio Talug, Barangay Liangan, Picong.
Cuando ya llega mga pulis na lugar, ya recubri sila abandonao 10 cajon de cigarillo que tiene el valor de P110,000.
Con el mga recubrido cigarillo ya lleva na quartel del policia del Picong para el documentacion y ya entrega na Buro de Aduana. (B. Garcia)