El mga autoridad enseguidas ya puede aresta con el suspechao na un incidente de tiroteo que ya socede del Viernes denoche aqui na ciudad de Zamboanga, asegun con el policia local del Sabado.
El policia local ya identifica con el arestao suspechao como si Musar Amaddin, 35 años el edad.
Asegun con el policia, con Amaddin ya aresta maga alas 12:17 del Sabado aga na Barangay Arena Blanco, ciudad de Zamboanga.
Asegun con el policia, si Amaddin amo el suspechao na un incidente de tiroteo que ya ocuri mga alas 11:40 del Viernes denoche na Paseo de Omar, Barangay Arena Blanco.
El policia ya habla ya identifica con el victima del incidente como si Jennifer Umpad, 25 años el edad, y residentede Barangay Tumaga, ciudad de Zamboanga.
Si Umpad admitido na hospital mientras si Amaddin detenido na quartel del policia local en preparacion para el plantada del caso contra conele. (B. Garcia)