El mga autoridad ya aresta con un persona de todo mas buscada na region autonomo durante un operacion de aplicacion del ley na provincia del Lanao del Sur, asegun con el policia del Sabado.
Si Police Colonel Robert Daculan, el director del policia na provincia del Lanao del Sur, ya nombra con el arestao persona mas buscada como si alias Ibra Abagat, un residente del Barangay Nataron, Marantao.
Asegun con Daculan, con Abagat ya aresta na un operacion de aplicacion del ley por medio de implementacion de un orden de aresto del Jueves na Barangay Bacayawan, Marantao, Lanao del Sur.
Asegun con Daculan, si Abagat listao como el de todo persona mas buscada na Bangsamoro Autonomous Region in Muslim Mindanao.
Si Daculan ya habla, si Abagat tiene pendiente orden de aresto por el crimen de matansa sin recomendao piansa que ya dale el un corte na ciudad del Marawi, Lanao del Sur del, Abril 11, 2019.
Ademas, asegun con Daculan, si Abagat tiene otro pendiente orden de aresto por el crimen de secuestrada sin recomendao piansa que ya dale del Abril 11, 2019 el semehante corte na ciudad de Marawi.
Si Daculan ya habla, con Abagat ya pone bajo’l custodia del Criminal Investigation and Detection Group na provincia del Lanao del Sur. (B. Garcia)