El mga autoridad ya aresta con un persona mas buscada durante el un operacion de aplicacion de ley na provincia del Maguindanao del Norte, asegun con policia del Viernes.
El Police Regional Office-Bangsamoro Autonomous Region (PRO-BAR) nohay nombra con el arestao persona mas buscada puera lang de habla’r que un 23 años le y un agente de centro de llamadas.
Asegun con el PRO-BAR, con el agente de centro de llamadas ya aresta durante el operacion de aplicacion de ley por medio de servi’r orden de aresto del Miercoles na Barangay Sarmiento, Parang, Maguindanao del Norte.
Asegun con el policia, el acusao persona tiene pendiente orden de aresto por violacion del Ley de Republica numero 10175 or mas conocido como el ley de prevencion de delitos ciberneticos de 2012 (Cybercrime Prevention Act of 2012).
Asegun con el policia, el acusao listao como el numero siete persona mas buscada na provincia del Maguindanao del Norte.
Con el arestao agente de centro de llamadas ya detene na quartel del policia na municipio del Parang para el propio disposicion. (B. Garcia)