Zamboanga: Policia ya aresta con 4 pescador ilegalmenta ta pesca

0
4
photo courtesy of Tawi-Tawi Maritime Police Station

Cuatro pescador el ya aresta el mga autoridad na un operacion de aplicacion de ley na mar de Tawi-Tawi, asegun con el policia del Sabado.

Asegun con el policia, con el mga pescador ya cogi mga alas 2 del Jueves tarde ilegalmente ta pesca na mar del Barangay Belatan Halo, Panglima Sugala, Tawi-Tawi.

El policia, ya nombra lang con el mga arestao pescador como canda alias Ali, alias Duke, alias Pag-asa, y alias Maana.

Asegun con el policia, el aresto del cuatro pescador es el resulta de intensificao esfuerzo de patrulla con el objetivo eradica mga ilegal actividades na mar.

El policia ya habla, con el cuatro pescador ya columbra ta pesca en ilegal manera mientras ta man patrulla na el mga personajes del Tawi-Tawi Maritime Police Station en colaboracion con el mga personajes de inteligencia del policia del mencionao provincia.

Con el mga arestao pescador junto con el de ila parafernales de pescada ya lleva na Tawi-Tawi Maritime Police Station para el documentacion, pefilando y plantada del caso contra canila.

El caso que hay planta contra con el arestao cuatro pescador amo por violacion del Ley de Republic 10654 conocido como el Codigo de pesca de Filipinas. (B. Garcia)

Leave a Reply