Zamboanga: Autoridad ya aresta 4 personas, ya confisca ilegal cortao palo

0
12
photo courtesy of Lanao del Sur PPO

Cuatro personas el ya aresta y ya confisca mga ilegal cortao palo el mga autoridad na provincia del Lanao del Sur, asegun con el policia del Sabado.

Si Police Colonel Robert Daculan, el director del policia na Lanao del Sur, nohay mas nombra con el cuatro arestao personas con quien ya aresta mga alas 11:35 del Jueves denoche na Barangay Buot, Wao, Lanao del Sur.

Asegun con Daculan, el aresto y confiscada del mga ilegal cortao palo ya vene despues que el mga oficiales del Barangay Buot ya columbra con un trak ta corre na carretera sin luz o apagao todo’l luz.

Asegun con el mga oficiales de Barangay Buot, el trak estaba na direccion de Banisilan, Norte Cotabato y pa andada na municipio de Wao cuando ya columbra sila con el vehiculo.

Asegun con el policia, el mga oficiales del Barangay Buot ya descubri durante el inspeccion cay el trak ta transporta 70 tablon de palo nombrao como Bugo.

Enseguidas ya aresta con el cuatro personas muntao na trak y con el mga palo ya confisca despues que ya falla sila presenta documentos del de ila cargamento.

Con el mga arestao personas, confiscao palo y trak ya entrega na policia del municipio de Wao para el propio disposicion. (B. Garcia)

Leave a Reply