El mga autoridad ya aresta un persona y ya confisca valor de P102,000 droga ilegal na provincia del Lanao del Sur, asegun con el policia del Viernes.
Si Police Colonel Robert Daculan, el director del policia na provincia del Lanao del Sur, ya identifica con el arestao suspechao como si alias Lanny, 34 años el edad, y residente del Barangay Puga-an, ciudad de Marawi.
Asegun con Daculan, con Lanny ya aresta na un operacion de compra busto mga alas 9:30 del Miercoles denoche na Barangay Marawi Poblacion, ciudad de Marawi, Lanao del Sur.
Asegun con Daculan, ya confisca na posesion de Lanny 15 gramos de suspechao shabu enpaquetao na un termosellada transparent sobrecito plastico que tiene el valor de P102,000, un vehiculo, un balutan de 14 pedaso de paltic P1,000 que ya pone insima un real P1,000 como markao dinero.
Con el arestao suspechao y mga evidencia ya lleva na quartel del policia na ciudad de Marawi para el propio disposicion.
Asegun con Daculan, hay planta asunto contra con Lanny por violacion del Ley integral de drogas peligrosas de 2002. (B. Garcia)