Un 28 años persona quien ta enfrenta asunto criminal de tres cuentas rapto el ya aresta mga autoridad na pantalan del ciudad, asegun con el policia local del Viernes.
El policia ya nombra con el arestao “wanted” persona como si Alfajer Jamma, un trabajante de construccion y nativo de Purok Looc-Sural, Barangay Looc-Labuan, Tungawan, Zamboanga Sibugay.
Asegun con el policia, con Jamma ya aresta durante un operacion de aplicacion de ley adentro del pantalan del ciudad mga alas 12:19 del Jueves tarde.
Asegun con el policia, con Jamma ya aresta despues que ya abaja le desde un varco que nuevo lang ya llega desde Manila, donde alegaomente ya anda le esconde.
Asegun con el policia, si Jamma tiene pendiente orden de aresto por el crimen de tres cuentas de rapto si recomendao piansa que ya dale el tribunal del Ipil, Zamboanga Sibugay, del Septiembre 18, 2023.
Con Jamma hay lleva entrega na policia del Tungawan, Zamboanga Sibugay, para el propio disposicion.
(B. Garcia)