Isip paghatag sa dinali-ang tabang ngadto sa pipila ka mga kaigsoonang nahimong biktima sa sunog, Enero 3, 2024, kapin kon kulang alas 4:00 sa hapon sa Barangay Biasong, ang kagamhanang local sa Dipolog ilawom sa pagdumala ni City Mayor Darel Dexter T. Uy ang mimando dayon sa lokal nga buhatan sa City Social Welfare and Development Office alang sa paghatag og ayuda ngadto sa nasangpit nga dapit.
 Ubos sa pagdumala ni Acting CSWD Officer, Mr. Patrick Jalapadan, uban sa Sagip-bata Staff, CSWD Cluster – I Incharge, Ms. Roselyn Bation, ang mihimo dayon sa pagpanghatag sa mga nagkalain-laing hinabang ngadto sa mga nasunugan sa kapin kon kulang alas 5:00 ang takna sa susamang hapon.
 Ang mga hinabang nga gihatag ang gilangkoban sa mga makaon sama sa bugas, de lata ug uban pa. Lakip sa gihatag mao ang mga sinina (pangbata ug dagko), pipila ka mga toiletress, nga gilantaw nga mapahimuslan dayon sa mga apektadong residente.Â
(Source: Dipolog City Government Facebook page)