El Philippine National Police (PNP) ya inicia cambio na liderato del Police Regional Office-Bangsamoro Autonomous Region (PRO-BAR), asegun con el policia del Viernes.
Asegun con policia, ya instola con Police Brigadier General Romeo Juan Macapaz como el nuevo director del PRO-BAR durante un ceremoña del cambio de mando del Jueves na Campo Salipada K. Pendatun na Parang, Maguindanao del Norte.
Si Macapaz ya releva con Police Brigadier General Prexy Tanggawohn y el ceremoña del cambio de mando ya administra si Police Major Bernad Banac, el interino comandante del Area Police Command-Western Mindanao.
Si Macapaz ya rendi su gratitud con Presidente Ferdinand Marcos Jr. por el confiansa ya dale conele para encabesa con el PRO-BAR.
Antes del su nuevo designacion, si Macapaz ya servi como el jefe del direccion de inteligencia del PNP.
Si Macapaz un miembro orgulloso del PNP Academy (PNPA) “Patnubay” Class of 1995.
Si Banac ya extende su apreciacion con Tanggawohn por su exelente trabajo durante su termino como el director del PRO-BAR y ya extende tamen el un calurosa bienvenido con Macapaz, de quien liderato esperansao implementa operaciones impulsado de inteligiencia contra con mga mal elementos del sociedad na BARMM.
Con el ceremoña del cambio de mando ya atende mga alto funccionarios del policia, militar y gobierno civil. (B. Garcia)