El Philippine Marine Corps (PMC) ya introduci na 2nd Marine Brigade (2MBde) el concepto de Littoral Response Group (LRG), un estrategico iniciativa deseñado para el rapido y efectivo respuesta na operaciones de defensa archipelágica.
El concepto ya introduci si Brigadier General Gregorio Hernandez, Jr., el comandante del Combat Support Brigade del PMC, durante su visitada del Viernes na quartel del 2MBde na provincia de Tawi-Tawi para conferi con el mga oficiales y personajes del mando con el objetivo mejora el suporta de combate con mga brigada de marino.
El centro del concepto de LRG amo el habilidad para funciona persistemente a traves del terreno maritimo na un destorbao y manera de reded, formando parte del fuerza de maniobra flota-marina.
Si Hernandez ya enfatiza el aprocha multimodal del CSB na suportada del fuerzas operativas marinas como ta tansiciona sila para na defensa terotorial.
Este aprocha ta curbri ambos el cinetico y no-cinetico suporta, direccionamiento mga desafios en diversas lugar operacional.
Na su respuesta, si Brigadier General Nestor Narag, Jr. comandante del 2MBde, ya presenta su vision para del mando y Tawi-Tawi, reafirmando el papel del brigada como protectores na frontera sur.
El oficial visitada de Hernandez concentrao para asegura cay el mga unidades combate de marino tiene el equipo para conduci diferentes clase de operaciones militar con el suporta del CSB.
El CSB tiene el papel vital porporciona y manteniendo el suporta de combate capabilidades necesita el fuerzas operacional marina para compli con el mision de mando. (B. Garcia)