El mga autoridad ya confisca armas de fuego con mga bala y droga ilegal cuando ya aresta sila un persona na un operacion de compra busto na Bangsamoro Autonomous Region in Muslim Mindanao (BARMM), asegun con el policia del Viernes.
El policia ya identifica lang con el arestao suspechao como si alias Dima, 47 años el edad y un residente de Barangay Rantian, Piagapo, Lanao del Sur.
Asegun con Police Colonel Robert Daculan, el director del policia na Lanao del Sur, con Dima ya aresta na un operacion de compra busto mga alas 5 del Miercoles tardena Barangay Tacub Pindulunan, Marantao.
Asegun con Daculan, ya recubri na posesion de Dima un pistol CZ 92 con clip y dos bala, dos gramos de suspechao shabu enpaquetao na cuatro termosellada transparente sobrecitos plastico que tiene el valor de P13,600, P500 markao dinero, un portamoneda, un bolso bandolera, y un motorciclo.
Si Daculan ya habla, con Dima ya pone bajo’l custodia del policia na municipio de Marantao para el propio disposicion. (B. Garcia)