El Philippine Army ya promove con nueve oficiales para el siguiente alto ranggo designao na provincia de Sulu, asegun con el 11th Infantry Division (ID).
Asegun con el 11ID, el mga prmovido oficiales para el ranggo de “First Lieutenant” amo el mga siguientes: “Second Lieutenants” Jecelle Moreno; Lady Deane Sarmiento; y si Marie Guia Stella Jurado.
Con el otro promovido oficiales ya nombra lang como canda Second Lieutenants Artiza; Pascua; Babad; Marban; Jamelo’ y si Paladio.
Si Major General Ignatius Patrimonio, el comandante del 11ID, ya encabesa con el ceremonia del ponida del nuevo insignias de ranggo con el mga promovido oficiales del Martes na Campo Teofulfo Bautista na Jolo, Sulu.
Si Patrimonio ya conseja con el mga promovido oficiales para trabaja pa mas and queda un orgulloso lider del de ila cada’y cual mando. (B. Garcia)