Un pescador listao como numero 10 bien “wanted” persona base na sistema de “E-Warrant” el ya aresta mga autoridad na un operacion de aplicacion de ley aqui na ciudad, asegun con el policia local del Viernes.
El policia ya habla con el arestao suspechao ya conose como si Alvin Muksin, 34 años el edad y residente de Sitio Sto. Niño, Barangay Tumaga, en este ciudad.
Asegun con el policia, con Muksin ya aresta mga alas 7:53 del Jueves denoche na Maria Clara Lorenzo Lobregat Highway, Barangay Tetuan, en este ciudad.
Asegun con el policia, si Muskin ta enfrenta el asunto de dos cuentas “statutory rape” y dos cuentas se “lascivious conduct” y tiene pendiente orden de aresto sin piansa que ya dale el un tribunal local del Noviembre 22, 2023.
El suspechao detenido ahora na Zamboanga City Police Station 9 para el propio disposicion. (B. Garcia, photo courtesy of Zamboanga City Police Office)